Չինաստանը ներկայացնող «Chery International» ավտոշինական ընկերությունը ծրագրում է 2027-ի սկզբին բրիտանական ապրանքանիշերի շուկա մուտք գործել նոր՝ «iCAUR» բրենդով։ Սպասվող շարքի առաջնեկը կդառնա V27 հինգտեղանոց ամենագնացը, որի արտաքին լուծումները ակնհայտորեն ներշնչված են «Land Rover Defender» մոդելից։ Նորույթը համադրում է ռետրո ոճի դիզայնն ու անհարթ ճանապարհները հաղթահարելու տեխնիկական կարողությունները՝ միևնույն ժամանակ մնալով հարմարավետ փոխադրամիջոց ամենօրյա քաղաքային երթևեկության համար։

Ակնկալվում է, որ V27-ը կհամալրվի էլեկտրական բաղադրիչով աշխատող ուժային ագրեգատով, որը, ըստ ոլորտային աղբյուրների, «Chery»-ի լիցքավորվող հիբրիդային (PHEV) համակարգն է։ Հատկանշական է, որ ավտոմեքենայի ինտերիերն արդեն հասցրել է բարձր գնահատականի արժանանալ՝ հաղթելով 2026 թվականի «Torino Automotive Design Awards»-ում՝ որպես պրեմիում սեգմենտի «Լավագույն ներքին դիզայն»։